योगिभक्ति संस्कृत आचार्य पूज्यपाद स्वामी कृत

योगिभक्ति

१

जाति-जरोरू-रोग-मरणतुर-शोक-सहस्र-दीपिता,

दुःसह-नरक-पतन-संत्रस्त-धियः प्रतिबुद्ध-चेतसः।

जीवितमम्बु-बिन्दु-चपलं तडिद्भ्रसमा विभूतयः,

सकलमिदं विचिन्त्य मुनयः प्रशमाय वनान्तमाश्रिताः ॥१॥

भद्रिका

व्रतसमितिगुप्तिसंयुताः शिवसुखमाधाय मनसि वीतमोहाः।

ध्यानाध्ययनवशंगताः विशुद्धये कर्मणां तपश्चरन्ति ॥२॥

दुवई

दिनकरकिरण-निकर-संतप्त-शिलानिचयेषु  निःस्पृहाः,

मलपट्टलाविलिप्त-तनवः शिथिलीकृत-कर्म-बन्धनाः।

व्यपगत-मदन-दर्प-रति-दोष-कषाय-विरक्त-मत्सराः,

गिरिशिखरेषु चण्डकरुणाभिमुखस्थितयो दिगम्बराः ॥३॥

भद्रिका

सज्ज्ञानामृतपायिभिः शान्तिपथैः सिद्ध्यमानपुण्यकायैः,

धृतसन्तोषच्छत्रकैरस्तापस्त्रीव्रोऽपि सह्यते मुनीन्द्रैः ॥४॥

दुवई

शिखिगलितकज्जलालि-मलिनैर् विभुधाधिप-चापचित्रितैः,

भीमर-वैरिवृष्ट-चण्डाशनि-शीतल-वायुवृष्टिभिः।

गगन-तलं विलोक्य जलदैः स्थगितं सहसा तपोधनाः,

पुनरपि तरुतलेषु विषमासु निशासु विश्राममासते ॥५॥

भद्रिका

जल-धाराशतादिता न चलन्ति चरिताः सदा मुनिसिंहाः।

संसार-दुःख-भीरवः परीषहाराति-घातिनः प्रवीराः ॥६॥

विषमजाति

अविरतबहल-तुहिन-कण-वारिभिरुद्घट-पत्र-पातने-

रनवरतमुक्तस्रोतकारवैः पुरैर्निले शोभितयात्रायष्टयः।

इह श्रमणा धृति-कम्बलावृता शिशिर-निशां,

तुषार-विषमां गमयन्ति चतुर्थे स्थिताः ॥७॥

भद्रिका

इत्योगत्रयधारिणः सकलतपःशालिनः प्रवृद्धपुण्यकायाः।

परमानन्दसुखेषिणः समाधिमग्र्यं दिशन्तु नो भद्रन्ताः ॥८॥

अंचलिका (प्राकृत)

इच्छामि भंते! योगिभत्तिकाउस्सग्गो काउं तस्सालोचउं अड्डा-

इज्जदिव-दोसविसुद्धी, पण्णास-कम्म-भूमिसु, आदावण-रुक्खमूल-

अलोवासठाण-मोण-वीरासण-ठाणकाउण-कुक्कुडासण-चउउ-पव्वत

खवणादि-जोगजुत्ताणं, सव्वसाहूणं गिण्हकालं अच्चेमि, पूजेमि,

वंदामि, णमस्सामि, दुक्खखओ, कम्मखओ, बोधिलाहो, सुगइ-

गमणं, समाहिमरणं, जिणगुण-संपत्ति होउ मज्झं।

───